കുറുക്കാ കുറുക്കാ
തലക്കൂത്തും പനിയും
അതിനെന്തു വൈദ്യം?
കൂ…കൂ…കൂ…
പാടത്ത് പോക്വാ
ഞണ്ടിനെ പിടിക്യാ
കറുമുറു തിന്വാ
പാറമ്മക്കേറ്വാ
ചറപറ തൂറ്വാ
കൂ…കൂ…കൂ…
എന്തെല്ലാം കളി കളിച്ചതാ
എത്ര കോഴിനെ യ്യ് പിടിച്ചതാ
എത്രവട്ടം തല്ലിക്കൊന്നതാ
ഒന്നു തിരിഞ്ഞാ നീ പായും
ന്ന്ട്ട് രാത്രി കനത്താൽ
കൂട്ടരെക്കൂട്ടി കളിയാക്കും
കൂ…കൂ…കൂ…
പകലായാലും രാത്രിയായാലും
ഒരു പൊന്തയ്ക്കപ്പുറം നീയുണ്ടായിരുന്നു
പിന്നെപ്പളാ നീ പോയേ?
നീയ്യ്പ്പെവിട്യാ?
സത്യം പറഞ്ഞാ കാണാങ്കൊതിയാകുന്നു
കൂ…കൂ..കൂ..
1 comment:
valare nannayi.....pazhaya kaalam orma varunnu
Post a Comment