(സമര്പ്പണം: വഴിയിലുപേക്ഷിക്കപ്പെട്ട എല്ലാ കാമുകിമാര്ക്കും)
ഇഷ്ടം പോലെ
എഴുതാനും മായ്ക്കാനുമുള്ള ഇടം
വികാരത്തള്ളലില്
എറിഞ്ഞുടയ്ക്കാം
ഓര്ത്തു കരയാം
പിന്നെ
കണ്ണീര്ത്തുള്ളികള്
പെറുക്കിയെടുത്ത്
കവിതയാക്കാം
26.10.10
24.10.10
ഞാന് ആദം...
ഹവ്വ
ഒരു ഓര്മ്മയാണ്,
സുഖനിദ്രയിലെ
തേന് തുളുമ്പുന്ന
ഒരു കിനാവു പോലെ.
കണ്ണാടിയില്
അവള്
നിറങ്ങളാവുമ്പോള്
മധുരമെന്ന്
അടയാളപ്പെടുത്തിയ
സ്ഥലനാമങ്ങള്
പറുദീസയെക്കുറിച്ചുള്ള
പുരാവൃത്തങ്ങളാകും
ഹവ്വ
ദാഹങ്ങളെ
തെളിനീരുകൊണ്ടും
മോഹങ്ങളെ
നറുതേന് കൊണ്ടും
അരിശങ്ങളെ
എരിവാര്ന്നകന്താരികൊണ്ടും
നേരായി പൂരിപ്പിക്കുന്നവള്
വെളിച്ചത്തില്
മറിഞ്ഞു മറിഞ്ഞു പോകുന്ന
താളുകളിലൊന്നും
ഹവ്വയില്ല
ഇരുട്ടുകൊളുത്തി
സ്വപ്നത്തിന്റെ ഭാഷയിലേക്ക്
ഉടുപ്പഴിക്കുമ്പോള്
അവ്വള് വരും,
എന്നും.
Subscribe to:
Posts (Atom)