യാത്രയ്ക്ക് കൂട്ടിന് ആളെ ആവശ്യമുണ്ട്

പ്രായം 38 കഴിഞ്ഞു

വേണമെങ്കിൽ അന്തംവിടാനുള്ള സമയമായി

കാസർക്കോട്ടേക്കുരുട്ടിക്കയറ്റി

കന്യാകുമാരിക്കു വിട്ടാലോന്ന്

ഒരു പ്രാന്ത് തോന്നുന്നു

കടലും മലയും

നഗരത്തിരക്കും

ഗ്രാമത്തിന്റെ സ്റ്റിൽസും കണ്ട്

രുചികൾ നുണഞ്ഞ്

അമ്പലങ്ങളും പള്ളികളും തൊഴുത്

മനുഷ്യമ്മാരെയും പക്ഷിമൃഗസുഹൃത്തുക്കളെയും പരിചയപ്പെട്ട്

തെരുവിലും പുഴവക്കിലുമുറങ്ങി

കള്ളായ കള്ളൊക്കെ കുടിച്ച്

മായം മറിഞ്ഞൊരു യാത്ര

അതിന് കൂട്ടിനൊരാള് വേണം

ഭാര്യയുടെയും കാമുകിയുടെയും ഭാരമില്ലാത്ത,

ഭാരമേയില്ലാത്ത

ഒരു പെണ്ണായാൽ നന്ന്,

പെണ്ണുപോലായാൽ നന്ന്

വരുന്നോ….., കൂടെ?