കണ്ണാടിയാണ്
ഒറ്റസ്വത്വമല്ല,
ഒരാള്ക്കൂട്ടമാണു-
ഞാനെന്നു പറഞ്ഞുതന്നത്.
ഏതോ ഒരച്ചുതണ്ട്
പരസ്പരം ചേര്ത്തുനിര്ത്തുന്ന
കലഹിക്കുന്ന ആള്ക്കൂട്ടത്തില്
കമ്മ്യൂണിസ്റ്റുകാരനുണ്ട്
സൂഫിയുണ്ട്
കവിയും
അദ്ധ്യാപകനുമുണ്ട്
മധ്യവര്ഗ്ഗരോഗങ്ങളുണ്ട്
ദളിതനും സവര്ണനുമുണ്ട്
പേരിട്ടുവിളിക്കാനാവാത്ത
വേറെയും ഒരുപാടു പേരുണ്ട്
ഒരു വര വരച്ച്
ഒന്നുകിലപ്പുറം അല്ലെങ്കിലിപ്പുറം
എന്നു വാശിപിടിക്കുന്ന
സ്വത്വവാദസദസ്സില്
ഞാനെന്നെ
എങ്ങനെയാണവതരിപ്പിക്കുക?
അവസരവാദവും ഒരു വാദമാണെന്ന്
അംഗീകരിക്കുമെങ്കില് മാത്രമേ
ഞാനിനി അങ്ങോട്ടുള്ളൂ.
1 comment:
vakkukalil theliyunna avasaravadm jeevithathil nadappakkiyor tharkkikkatte koottukara....nilanippintethaya avasaravadam ......athanu sathyam.
Post a Comment