തലയില്ച്ചൂടി
ഒറ്റ ദിവസം കൊണ്ട്
കരിച്ചുകളഞ്ഞ
ആ പൂവിനെപ്പറ്റി
നിനക്ക്
ഒരു ചുക്കുമറിയില്ല
പണ്ടെപ്പൊഴോ
ബൈബ്ള് വായിച്ചപ്പോള്
സമ്മാനമായിക്കിട്ടിയ
പൂമൊട്ടായിരുന്നു അത്.
തലയിണക്കടിയില്
ആയിരത്തണ്ടുകള് അടയിരുന്നാണ്
അതൊന്ന്
വിരിയിച്ചെടുത്തത്.
ഇതളിതളായി
അതു വിടര്ന്നു നിന്നപ്പോഴാണ്
ഇലകള്
പച്ചനിറമാര്ന്ന്-
സൂര്യനോട് വിലപേശിയത്.
തണ്ടെല്ല് നിവര്ന്നു നിന്നത്.
വേരുകള്
ആഴങ്ങള് പരതിയത്.
ഈപ്പോള്
വണ്ടത്താന് കൈയ്യേറി
ബാക്കി വന്ന മധുരം
തുലാമഴയില് കളഞ്ഞ്
ഇതളുകള് നിറമറ്റു നില്ക്കുമ്പോള്
മരുഭൂമിയില്ത്തൊട്ട വേരുകള്
പിന് വാങ്ങാനാവാതെ
പൊടിഞ്ഞമരുന്നതും
നിനക്കറിയില്ല
1 comment:
randamathe padathile adhyabhagam mattiyal kurachu koodi clear akumayirunnu.pramod
Post a Comment